إللى أوله هراء أخره هبل

بص يابنى و بصى يابنتى ......

المدونة دى أنا عاملها علشان دماغى ، علشان متجننش ، علشان زى ما هو باين

من إسمها أصرف فيها الشحنات الكهربية و الأفكار و الكلام إللى لو إتحبس 

دماغى هتضرب و أتجنن 

و إنت أكيد ميخلصكش إنى أتجنن ......مش كدا ...

يعنى إنت هنا ــ و أنا معاك برضه متزعلش كدا ــ فى شبكة صرف عقلية 

فأهلا بك فى عالم الصرف و  المجارى و الهراء .......الذى لا داعى له .

الجمعة، 9 أبريل 2010

فى خيالك المريض (ج 2




ملخص ما نشر :
مدام سامية مدرسة متزوجة إكتشفت فى يوم بدا عاديا
فى حياتها أن الجميع مصرون على أن البغل الأستراتلى يعيش
فى خيالها المريض !! ، فماذا تخبىء لها الأحداث ؟....


**********************

الجزء الثانى :





إيه دا معقول يا ربي دا ।!!!!! الناس كلها إتجننت .................. !!!!

ممكن يكونوا بيهزروا معايا ؟؟ ............هزار سخيف ............. بس معقول ....!!!!! إزاي ؟؟

المدير و جوزي و إختي و صاحبتي و كمان العيال إللي في الفصل !!!! .......طب و كتاب الوزارة ؟؟


..لأ ....مستحيل ..........

أكيد في حاجة غلط حصلت لهم النهاردة .............. بس إزاي ؟؟

لأ .......أكيد أنا بهلوس ............أيوة صح أكيد انا بهلوس .............ملهاش تفسير تاني .......

أكيد دماغي مش مظبوطة النهاردة ....يعني هما كلهم هيتجننوا كدا في يوم واحد ........المفروض أنانيتي الشخصية

متسمحليش إني اتخيل إن العدد دا كله إتجنن و انا إللي عاقلة ...........

مش هفضل قاعدة اتفرج علي الناس في الجنينة دي لحد الليل ما يجي ................انا هروح دلوقتي و هلاقي حسين

قلقان عليا خالص و هيسألني كنت فين ............. هقوله كنت بهلوس يا حبيبي ...........

و هاخد كمان أجازة من المدرسة .....اه أكيد دوشة العيال و قرفهم و معاكسات المدير هما السبب .........


= إحم ................ ممكن أقعد يا مدام سامية ؟

ــــ أتفضل أنا أساسا كنت قايمة .....!!!!!!.......................بس إنت تعرفني ؟

=أيوة طبعا ................... أنا دكتور محمد الشرقاوي دكتور بيولوجي بكلية تربية جامعة المنصورة .

ـــــ أيوة بس أنا كنت جامعة القاهرة ، معتقدش إني أعرف حضرتك .

= إنتي متعرفنيش إنما أنا بصفتي دكتور بيولوجي لازم طبعا أبقي عارفك ......... البغل الأسترالي من الحيوانات

النادرة و المثيرة للإهتمام .

الله مالك يا مدام سامية ......خير ..انا قلت حاجة تزعلك ؟

ــــــ حرام عليكم إنتوا عايزين مني إيه ؟......هيءهيءهيءهيءهيء .............عايزين تجنوني ؟

= ليه بس يا أفندم انا مش فاهم حضرتك خالص !!!

ــــ بغل أسترالي إللي بتتكلموا عنه ؟ ............ و طبعا هتقولي إنه بيعيش في خيالي المريض ..........

= طبعا يا أفندم .......... هي دي محتاجة تأكيد مني أو من غيري ..؟

ـــــ طب إزااااااااااااااااااااي ؟؟؟ هه ....................قولي إنت إزااااااااااااااااي ؟ هو في حاجة كدا في الدنيااااااااااااااااا ؟؟؟

= لو سمحتي يا أفندم أنا دكتور جامعة محترم و الناس بتبص ناحيتنا ............ واضح إن أعصاب سعادتك

مش مظبوطة .......... عامة أنا بس كنت جاي أقولك تخلي بالك من البغل الأسترالي لإنه أصبح نادر و مهدد

بالإنقراض ...........و خسارة نفقد حيوان رائع زي دا .............. سلاموا عليكم .........

ـــ غور يا أخويا جتك مصيبه تخدك ............. إهيء...إهيء....إهيء...



**********************************



شمممممم ................ هاااااااااااااااااااااااااااااااا


(( ــــ يااااه ...............أول مرة أفهم الكلام الفاضي إللي كانوا بيقولوه عن نسيان الهموم علي شط النيل .........

شممممممممممممم .......هاااااااااااااااااااا ............. يااااه علي الأرهاق إللي انا فيه ..............

حتة يوم ........... معقول الهلوسة تمتد بالواحد للدرجة دي ................

هما عندهم حق ؟؟ ...............لا أرجوكي يا سامية بلاش سخافة إنتي مش عايشة في قصة خيالية إنتي شخصية

حقيقية مش جزء من خيال مؤلف مريض ............ لأ ............. أنا دلوقتي هروح البيت أستريح من اليوم

الغريب دا.....و هلاقي حسين قلقان عليا جدا و هيسألني كنت فين ........... هقوله كنت بهلوس يا حبيبي .........

و بعدين هنام و أصحي ألاقي كل دا كان حلم او هلوسة بصرية و سمعية بتستخف دمها معايا ولا حاجة ...........))



= ايه دا ................. حمادة ............. شايف مين دي !!!!!..............

ـــــ يا خبر أبيض ..........دي مدام سامية ...........!!!!!

= أيوة ............... أهلا يا أفندم إسمحيلي نعرفك بنفسنا ..........أنا مني و دا خطيبي حمادة ...........

أنا مبسوطة جدا إني شفت حضرتك .......... فاكر يا حمادة .......... ؟؟

ـــــ هاهاهاه ...........أصل إحنا أصل إحنا كنا بنذاكر مع بعض من أيام الثانوية أصل إحنا ولاد خالة

و كنت دايما أفكرها و إحنا بنذاكر إن البغل السترالي بيعيش في خيال حضرتك المريض و هي كانت بتنسي .............

= لأ يا حبيبي .......إنت إللي كنت علطول بتنسي و الأستاذ جبر بتاع الجغرافيا كان بيهزقك قدام المجموعة

و أنا كنت دايما بقول لخالتي .....هاهاهاهاها ............حتي فاكر الأغنية إللي ألفها للموضوع دا

ــــ هاهاههاها .أيوة فاكر .......... مدام سامية

= بتقمع بامية

ــــ و الواد حمادة .

= أبو البلادة

ــــ قاعد بيقرالها

= و هي نايمة

ـــــ دا البغل الأسترالي ............

= عايش في خيالي ...........

ــــ و الناس قاعدة ........

= تشاهد في جمالي ............

ـــــ شاطر يا حمادة ..........

= مريض يا خيالي ............

هاهاهاهاهاهاهاهاهاها ..................

ـــــ بحبك يا بت يا مني يا هابلة ..............

= و أنا كمان يا حمادة يا بليد ..............

هاهاهاهاها .............

= مدام سامية ..مالك !!!! ماسكة دماغك ليه ؟؟ .....مدام سامية ...مدام سامية ...................!!!!

ـــــ هي مشت ليه ؟ ............

= أنا عارفة بقي ......إنت عارف المشاهير دول بيبقالهم حاجات غريبة ......تلاعبني بلاي ستيشن ؟؟

ــــــ يالا .................. دا أنتي هتتقطعي المرة دي .......بس متلعبيش بريال مدريد علشان كريستيانو مفتري ।




( يتبع )

هناك 6 تعليقات:

  1. D:
    ماشى ..!
    إنتى بتستحلفيلى ولا إيه ...

    ردحذف
  2. انا صعباااااااااااااانة عليا سامية
    ها ابتدي اعيط على خيالها المريض
    بس بحس ان اللي صعبان علي اكتر البغل الأسترالي لأنه مضطر يعيش في خيالها المريض :)

    ردحذف
  3. :)))))) la2 mosh basta7lflak wala 7aga :D bas ba2ool 5aleena wara 5yalak lel2aa5er :P

    ردحذف
  4. ستيتة حسب الله الحمش

    و هتصعب عليكى أكتر فى الجزء التالت


    ***************

    Sarah Sobhi


    ماشى

    D:

    ردحذف
  5. ألا احنا هنعرض الافلام امتى يا حماده؟

    ردحذف