إللى أوله هراء أخره هبل

بص يابنى و بصى يابنتى ......

المدونة دى أنا عاملها علشان دماغى ، علشان متجننش ، علشان زى ما هو باين

من إسمها أصرف فيها الشحنات الكهربية و الأفكار و الكلام إللى لو إتحبس 

دماغى هتضرب و أتجنن 

و إنت أكيد ميخلصكش إنى أتجنن ......مش كدا ...

يعنى إنت هنا ــ و أنا معاك برضه متزعلش كدا ــ فى شبكة صرف عقلية 

فأهلا بك فى عالم الصرف و  المجارى و الهراء .......الذى لا داعى له .

الأحد، 11 أبريل 2010

فى خيالك المريض ( ج3

الجزء الثالث :
بييييييييييييب .................تييييييييييييييييييييييييت .............
تك تك تك ............ تذاكر ......تذاكر يا حضرات .............

ـــــ لو سمحتي حد قاعد هنا ؟؟ ............................... يا مدام ............؟؟؟
= إيه ؟؟ ......... اه .......لأ ........... لأ ..لأ .......إتفضلي حضرتك .........
ـــــ شكرا .............
تذاااكر .....تذاكر يا حضرات .

= إيه في حاجة ؟؟
ــــ لأ ......أصلي بس بشبه علي حضرتك .................... مش حضرتك .....أ ...أ ....أ ....
= مدام سامية ؟؟
ـــــ أيوة ........... مظبوط ......... أنا بشوف صورتك في كتاب الجغرافيا بتاع حمادة إبني .
= هاهاهاهاهاهاه ................و طبعا كاتبين تحت الصورة (( مدام سامية متولي .......حيث يعيش
البغل الأسترالي في خيالها المريض )) مش كدا ....
ـــــ يعني حاجة زي كدا .............علي فكرة أنا معلوماتي في الجغرافيا زي معلومات أي فرخة في
اللغة الصينية و اول مرة أعرف إن البغل الأسترالي بيعيش في خيال حضرتك المريض السنة دي ))
= هاهاهاهاهاهاهاهاها و انا بقي ههههه أول مرة أعرف هههههه كانت
النهاردة ......إهيهيهيهيهيهيهيهيهيه ....إهيهيهيهي .
ـــــ هاهاهاهاها ....دمك خفيف قوي يا مدام ......علي فكرة الواد حمادة بيحبك قوي و بيقول عليكي مزة
دا هيتبسط قوي لما يعرف إني شوفتك شخصيا ............ ممكن تمضيلي هنا علي الورقة دي ...........
علشان يبقي يوريها لإصحابه ؟؟ .......إنتى عارفة بقي حركات المراهقين دي .
= هههههه انا أمضي ....ههههه ......ماشي .......هاتي ........أهاهاهاهاه ।

# في حاجة يا مدام ؟؟؟ ...............إحنا في اتوبيس يا حضرة إنتي و هيا .
= اه ...ااااه ...معلش أصلي ........هاهاهاه ....... مش قادرة ... هاهاهاه ....إتفضل فلوس التذكرة أهي .
# هاتي ................. إيه دا ؟؟ ..........مدام سامية ؟.........مش إنتي برضه إللي البغل الأسترالي
بيعيش في خيالك المريض ؟
ــــــ أيوة هي .
# طب إتفضلي ياأفندم الفلوس ....دا أنا ورديتي الليلية سعيدة والله النهاردة .
= أهاهاهاهاها ............طيب التذكرة ؟؟
# ميصحش يافندم ............. دا إنتي علم من أعلام البلد ...............
= اهاهاهاهاها......ماشي هات .......أهاهاهاهاها .
**********************************************
ترك تيك ..... زيييييييييييييييييق
ـــــ سامية !!! ............كنتي فين يا حبيبتي ؟؟ .................أنا كنت هموت من القلق عليكي .........
= و الله كان نفسي أقولك كنت بهلوس يا حبيبي ..........بس أنا هسألك سؤال واحد يا حسين و ترد عليا بالحقيقة ।
ــــ إتفضلى يا حبيبتى .....
هل فعلا إنتوا كلكوا فاكرين إن البغل الأسترالي عايش في خيالي المريض ؟
ـــــ إيه السؤال الغريب دا يا سامية ؟ إنتي بتهزري ؟
= إيه ؟ في إيه ؟
ــــــ إنتي النهاردة فعلا متغيرة ...زي ماتكوني بتهلوسي .
= اه فعلا مش كدا برضه .....أيوة فعلا صح أنا تعبانة جدا و لازم أخد اجازة .......مش كدا برضه .
أنا أرهقت نفسي في الشغل لدرجة إن أنا بقي بيتهيألي حاجات .
ـــــ أيوة فعلا يا سامية موصلتش لدرجة إنك تسألي أسئلة زي دي....... إنتي يا تعبانة و مرهقة يإما فايقة و بتهزري .
= لأ ...لأ ....لأ .....انا فعلا ......كنت تعبانة و مرهقة ............
ـــــ يا حياتي ....... للدرجة دي؟ ........ الارهاق نساكي إن البغل الأسترالي بيعيش في خيالك المريض
= !!!!
أنا من بكرة هروح أقدملك علي أجازة بمرتب ......إنتي شخصية مهمة و مشهورة مش أي حاجة يعني
و لولا إنك مصرة علي الشغل كان ممكن الدولة خصصتلك معاش خاص ।
= !!!!!
إيه ॥؟؟؟ ............مالك يا حياتي ؟؟ ........ايه دا! ...........سامية مالك ؟؟
= لأ ..........مفيش ....ااه ....اه يا دماغي ..........مفيش حاجة يا حسين أنا هخش أنام ....
يمكن أقوم من الكابوس ده .
*******************************************
ــــــ صباح الخير يا أنسة سامية ............ أخبار البغل الأسترالي إيه ؟
= هاهاها ........... صباح الخير يا سيادة المدير .......... البغل الأسترالي بخير حال و الحمد لله
و أنا مهيئاله أحسن ظروف في خيالي المريض كمان .
ـــــ هاهاهاها .....إنتي ثروة قومية يا أنسة .......و انا فخور إنك شغالة في مدرستي ............
*********************************************
= البغل الأسترالي بيعيش فين ياولاد ؟؟
ــــ في خيالك المريض ياأبلة ................في خيالك المريض ياأبلة ................في خيالك المريض ياأبلة ................في خيالك المريض ياأبلة ................في خيالك المريض ياأبلة ................في خيالك المريض ياأبلة ................في خيالك المريض ياأبلة ................في خيالك المريض ياأبلة ................في خيالك المريض ياأبلة ................في خيالك المريض ياأبلة ................في خيالك المريض ياأبلة ................في خيالك المريض ياأبلة ................في خيالك المريض ياأبلة ................
= برافو يا حلويييين ..............شاطر يا محمود أنا مبسوطة جدا منك .




(( تمت ))

هناك 12 تعليقًا:

  1. 3ayz el comment el sat7y el baseet :D walla el comment el mo3akad :D
    asl ana mn howat ta3keed el omor :D

    faker we 2olly 3labal ma as7a
    3shan hattar akteb 3raby :D:D

    ردحذف
  2. بالضبط
    هي القصة كده فعلا
    يا تؤمن هي ان خيالها مريض ويعيش فيه بغل استرالي
    يا تؤمن ان كلهم حمير
    يبقى الأسهل الخيار الأولاني
    وسلم لي على الفقوس :)

    طول ما هي على مباديء الجماعة
    تبقى ثورة قومية
    اول ما تشذ عن القاعدة وتحاول متبقاش بغل استرالي

    يا مستشفى المجانين
    يا مستشفى المرضى النفسيين
    يا مزرعة طرة
    يا القبر ونعيمه ان شاء الله

    ردحذف
  3. peace gedaaaaan

    steeta aaalet kol 7aga
    wafarty 3alaya bsara7a :D

    ردحذف
  4. السلام عليكم

    قصة جميلة احييك عليها

    تحياتي

    ردحذف
  5. فعلا يا جماعة هو دا

    الإختلاف عن الأخرين دا كابوس مرعب

    و ليه تمنه

    و معظمنا مش بنقدر ندفع تمن الإختلاف دا

    و بالتالى كإجراء دفاعى بيفضل الواحد مننا إنه ينخرط فى نسيج المجتمع خوفا من الإنعزال يا كان بقى إللى بيعمله المجتمع دا حاجة كويسة أو دربا من الحماقة و الجنون

    مدام سامية شخصية هشة متقدرش تتحمل الإختلاف مع المجتمع فالحل قدامها علشان متعتبرش مجنونة و يمكن علشان هى ذات نفسها فعلا متجننش إنها تجاريهم و تقول إن البغل الأسترالى بيعيش فى خيالها المريض


    فى الأول هتقولهم كدا و هى غير مقتنعة داخليا
    و بعد فترة على فكرة هتنسى و عقلها الباطن هيتأقلم على الوضع و هتبدأ فعلا تعتقد بينها و بين نفسها إن البغل الأسترالى بيعيش فى خيالها المريض و هيبقى دا عندها بشكل ألى

    دور إنت ذات نفسك فى حياتك

    و شوف كام مرة كنت فى موقف مدام سامية

    شوف قد إيه من أفعالك بل و أفكارك بل و الأدهى توجهاتك و ميولك الحالية هو نتاج تأثرك بالرأى السائد فى المجتمع حتى لو كان غلط ، حتى لو كنت إتربيت على عكسه

    شوف كام مرة المجتمع أقنعك بأشياء إنت نشأت على محاربتها أو كنت مقتنع بما ينافيها

    الفكرة دى محورية فى حياتنا
    أنا كتبت القصة دى من 3 سنين
    ساعتها كنت لسا فى ريعان شبابى و فكرى و كان عندى 20 سنة

    بس من ساعتها و أنا مشفق على مدام سامية

    و حتى لما قرر إصحابى تحويلها لفيلم موبايل قصير أنا إللى قمت بلعب دور مداد سامية

    إحم ...

    بس طبعا بعد تحويلها إلى أستاذ سمير

    ردحذف
  6. حضرتك بتقول

    شوف كام مرة المجتمع أقنعك بأشياء إنت نشأت على محاربتها أو كنت مقتنع بما ينافيها

    وانا بقول /

    عندما ولدنا، ولدنا أحرارا، لدينا قدرات كبيرة على الدخول في المخاطرات و إحساس كبير بعدم الخوف من الفشل. كان لدينا إستعداد عظيم لخوض التجارب الجديدة،

    و لكن تأتي النهاية سريعة عندما نتعود على رؤية نفس الأشياء مرات عدة، عندما تبدأ الحياة بالنمطية و الأحداث بالتكرار، عندها نصل للقناعة بأننا لن نر أشياء جديدة بعد اليوم. نصل لقناعة مرعبة بأننا سنعيش غدا بنفس التجارب و نفس الأحداث و نفس الوجوه التي نعيش معها اليوم. لن يحدث شيء جديد بعد اليوم. هذه هي الفكرة التي سنعيش فيها حتى نموت
    نفقد إحساسنا بالحرية عندما يبدأ المجتمع من حولنا بتعليمنا قيمه السلبية. التي تتناقض مع قيمنا و مبادئنا عندما كنا صغارا. عندما كنا أحرار. نستبدل عندها قيم الأحرار بقيم المستعبدين، و مبادئ الأحرار بمبادئ المستعبدين

    لك تحيتى وتقديرى

    ردحذف
  7. " اللاما بيتحلى بالصبر والتلامة " :)))

    قرأت ال3 اجزاء

    وفعلا كتير المجتمع بيقنعنا بحاجات متتصدقش أصلا

    تسلم دماغك والقصة بجد حلوة اوي

    ردحذف
  8. فى اول حلقتين طبعا انا كنت هتجنن معاها
    بس الحلقة دى وضعت كل حاجة اسلوبك جميل جدا
    بس انا مش هعمل زى مدام سامية وهستسلم للاخرين يغيروا عقلى ولا يقحموا فيه افكارهم ومبادئهم المريضة هدافع عن عقلى لاخر لحظة

    ردحذف
  9. اربع مرات اكتب التعليق الحمدلله انه اخيرا اتكتب :(

    ردحذف
  10. sal


    متفق معاكى

    ************

    Lady E


    و إحنا بطبيعة الحال بنتبع مجتمعنا

    ردحذف
  11. احاسيس آيوشه


    الصراحة عمليا ....صعب إن الفرد يقدر يجابه المجتمع أو يمنع تدخله فى حياته و أفكاره و حتى على مستوى حياته الشخصية بل و العبث فى مرجعياته الأيدولوجية


    أى فرد فى الدنيا عايش فى أى مجتمع فى الدنيا لازم بيأثر و يتأثر بشكل متبادل و بنسبة معينة

    و الفرق بين مجتمع و التانى هو مدى هذا التأثير


    لكن ...........

    تظل دائما هناك قيمة و تأثير لقوة المبادرة الفردية ..... و كثير من أعظم حوادث التاريخ بدأت بفرد

    فربنا معاكى و معانا

    ردحذف