إللى أوله هراء أخره هبل

بص يابنى و بصى يابنتى ......

المدونة دى أنا عاملها علشان دماغى ، علشان متجننش ، علشان زى ما هو باين

من إسمها أصرف فيها الشحنات الكهربية و الأفكار و الكلام إللى لو إتحبس 

دماغى هتضرب و أتجنن 

و إنت أكيد ميخلصكش إنى أتجنن ......مش كدا ...

يعنى إنت هنا ــ و أنا معاك برضه متزعلش كدا ــ فى شبكة صرف عقلية 

فأهلا بك فى عالم الصرف و  المجارى و الهراء .......الذى لا داعى له .

السبت، 17 أبريل 2010

هنا و هناك





ــــ مش إنت رايح هناك ؟؟
= اه
ــــ طب ماتجيبلي معاك علبة سجاير من عند عم عبده البقال في سكتك ...
= لأ ...........
ــــ ليه ؟
= علشان أنا مش رايح لعم عبده البقال .......أنا رايح هناك ..........
ــــ أيوة ما أنت هتجيبلي معاك و إنت جاي ....
= بس انا رايح هناك مش رايح لعم عبده البقال....
ــــ أيوة ما انا فاهم ....... ما أنت هتجيب بقي و إنت راجع ........
= أيوة بس أنا رايح هناك ......
ـــــ يابني ما أنا فاهم .......... ما أنت هتفوت علي عم عبده البقال لما ترجع بقي من هناك .......
= طب و أفوت ليه علي عم عبده البقال و أنا رايح هناك ........
ـــــ ييييييييييييه ....ما أنت هتروح هناك...... جميل .....؟؟
= جميل .....
ــــ بعدين هترجع هنا ....جميل ؟؟
= لأ مش جميل .....
ـــــ ليه ؟
= يبقي هروح ليه هناك لو كنت هرد تاني هنا ..........؟؟؟؟!!
ـــــ ما أنت هتروح هناك و هترد تاني هنا .......
= طب و أروح ليه هناك بقي طالما هرد هنا ......؟؟
ـــــ ما أنت لازم تيجي هنا .....لأن مكانك هنا
= طب ليه أروح هناك طالما مكاني هنا ......ممكن أفضل هنا علطول و خلاص .......
ــــ ما أنت هتروح هناك علشان تخلص الشغل إللي مش ممكن يخلص هنا .......
= وليه لأ ....؟؟ هو هناك مش زي هنا ؟؟
ــــ إزاي يعني كدا ؟؟ ....... لأطبعا ...!!! هناك هناك ....... و هنا هنا .........
= طب و إزاي أعرف إن هناك غير هنا .....؟
ـــــ ما انت هتروح هناك مش هتلاقي هنا ....قصدي ...... هنا مش هناك ..و ....هناك مش هنا .....علشان كدا ...
إحنا دلوقتي هنا و في نفس الوقت إحنا مش هناك .....إنما لو كنا هناك و مكناش هنا مكانش هيبقي هناك هناك ..
و هنا هنا ..............


هو انا كنت عايز منك إيه ؟؟


= كنت عايزني أجيب سجاير من عند عم عبده البقال و أنا جاي من هناك .........
ـــــ إيه دا إزاي طيب ......هتفوت إزاي علي عم عبده البقال و إنت هتبقي هناك و مش هتبقي هنا ؟؟؟
= لأ عادي خالص ..... ما أنا هروح هناك بعد كدا هفوت علي عم عبده البقال ......بعد كدا هرجع هنا ........


# يا جماعة يا جماعة................ عرفتوا إللي حصل ؟؟؟ عم عبده البقال مااات ............

!!!!!!!!!!!!!!!!!!!!!!!!!!

هناك 13 تعليقًا:

  1. بقى انا بقالى ساعه عماله اقرا من هنا و من هناك
    و فى الاخر يطلع عم عبده البقال مات
    ماهو لازم يموت من الدوخه حتى

    ردحذف
  2. انت بتتكلم جد !!! عم عبده البقال مات ؟؟؟

    لا حول ولا قوة الا بالله

    الله يرحمه ويغفر له

    ردحذف
  3. ربنا رحمه... هههههههههههههههه..

    ردحذف
  4. حماده

    انت ليه مش بتفتح المسنجر

    ردحذف
  5. سبايدرمان

    و يرحمنا

    ****************


    صيدلانيه طالعه نازله

    فعلا خاصة إنه كان عنده القلب أصلا و مش ناقص المهاترات دى

    *****************
    sal

    أيوة يا عزيزى مات الله يرحمه

    **************

    سمع هوص (Abo 3li

    متفق معاك .....ربنا رحمه

    ************

    قبلاوى


    مش بفتح المسينجر علشان مش معايا مفتاح

    ردحذف
  6. ده حوار مع عسكري أمن مركزي
    مهما حاولت تقنعه
    ها يقنعك هو

    ردحذف
  7. دا انت دماغ والله
    بس انت مش بكتب اى بوست وخلاص اكيد فيه وراء البوست ده حاجة اينعم مش وصلتلها لسه بس اكيد انت تقصد حاجة من هنا وهناك وهناك وهنا دى

    ردحذف
  8. وربنا لو حصل الحوار ده معايا لكنت خليته يحصل عم عبده البقال

    ردحذف
  9. ماااااااااات

    يلا البقاء لله

    طيب والعزاء هنا ولا هناك

    ردحذف
  10. ههههههههههههههههه

    جامدة ياهراء

    هههههه
    فعلا هراء لاداعي له

    ردحذف
  11. لا حول ولا قوة الا بالله
    هههههههههههههههههه
    بس لذيذة

    ردحذف
  12. سورى يا جماعة إتأخرت كتير فى الردود بس غصب عنى


    *********
    ستيتة حسب الله الحمش

    ما هما علشان كدا بينقوهم على الفرازة
    إللى متعلم يجى يمين و إللى مش متعلم يجى شمال
    و إللى بيفضل واقف فى النص بياخدوه أمن مركزى

    ***************

    احاسيس آيوشه

    الحقيقة أنا مش فى دماغى حاجة معينة يعنى بس أهو إحنا عادة بنقابل مواقف تجن زى دى كتير

    **********

    لورنس العرب

    هههههههههه
    طب بس هدى أعصابك مش مستاهلة

    **************

    star in the sky

    ملعوبة دى

    *************

    Haytham Alsayes

    لما أقول هراء يبقى هراء

    ردحذف