إللى أوله هراء أخره هبل

بص يابنى و بصى يابنتى ......

المدونة دى أنا عاملها علشان دماغى ، علشان متجننش ، علشان زى ما هو باين

من إسمها أصرف فيها الشحنات الكهربية و الأفكار و الكلام إللى لو إتحبس 

دماغى هتضرب و أتجنن 

و إنت أكيد ميخلصكش إنى أتجنن ......مش كدا ...

يعنى إنت هنا ــ و أنا معاك برضه متزعلش كدا ــ فى شبكة صرف عقلية 

فأهلا بك فى عالم الصرف و  المجارى و الهراء .......الذى لا داعى له .

الاثنين، 12 أبريل 2010

فقرة إعلانية




ــــ عووووووووووووووووو .....

= إيه دا ।!!!..... يا مامى ......... الديب !!!

ــــ أيوة أنا الديب ........ أنا الديب يا ذات الرداء الأحمر

= إنت خرجت من السجن إمتى ؟

ــــ من أسبوعين .....حسن سير و سلوك

= طب و إنت عايز منى إيه ؟

ــــ عايز أكلك .....

= لأ أرجوك متاكولنيش ......... تاخد فطيرة التفاح دى و متاكلنيش ؟

ــــ للللللللللللللللأ ..........

= طيب تاخد جهاز البلاى ستيشن دا و متاكلنيش ؟

ــــ لللللللللللللللأ .........

= طيب تاخد باسورد الأكونت بتاعى عالفيس بوك ؟

ــــ برضه للللللأ ....

= طيب ....أعمل إيه أنا دلوقتى بقى ......

ــــ معاكى إيه تانى ممكن أخده ؟

= م ...م ... م... معايا مجلة TRLالعدد الخامس

ـــ هيييييه ....هيييييه ....هييييه

= إيه دا ؟!!!.....يعنى مش هتاكولنى خلاص ؟!!!!!!

ـــ لا لا لا

= ميرسى ...ميرسى ...ميرسى

هناك 11 تعليقًا:

  1. انت مش قلت هتفوت علينا ياض

    ردحذف
  2. السلام عليكم
    أتمنى أن أعرف ما هى مجلة TRl
    هل هى مجلة على أرض الواقع
    أم ضمن فالب القصة
    خالص تقديرى
    وأتمنى دوام التواصل

    ردحذف
  3. وانا كمان زى الاستاذ عمرو جويلى

    ردحذف
  4. قبلاوى


    يا حمادة و الله محاصر فى الشغل و طالع عينى
    مش لاقى وقت أنام 6 ساعات على بعض
    أنا مش قولتلك تعالى نفتح كافتريا كان يبقى أحسنلنا

    ردحذف
  5. عمرو جويلى

    و

    قلــ"بـــلال"ــــــب فارس


    مجلة trlدى فعلا مجلة حقيقية

    و هى مجلة ساخرة كوميدية بشترك فيها مع أصحابى و بنطبع منها أعداد محدودة على حسابنا و بنوزعها فى
    جامعة طنطا و على إصحابنا و معارفنا هنا فى كفرالشيخ

    شكرا لمروركم

    ردحذف
  6. طيب يعني ندي كل بنت في ايديها عدد علشان لو قابلها ديب بشري تعرف تصرفه؟ :)

    ردحذف
  7. تصدقى فعلا دى فكرة حلوة

    أهو منها نبقى ساهمنا فى حل مشكلة التحرش و توابعها

    و أهو كمان نحقق مبيعات عالية لشوية الشباب الغلابة إللى بيطبعوا هرائهم على حسابهم و بيوزعوه على الناس تحت تهديد السلاح

    ردحذف
  8. دكتور احمد خالد توفيق كان اتكلم عنها قبل كده ف بريد القراء بتاع ما وراء الطبيعه .. وقال عنها مجلة ظريفة :)

    ردحذف
  9. المجلة دي فعلا موجودة ولا ايه

    ؟؟؟؟؟؟؟؟؟؟؟؟؟

    ردحذف
  10. طيب انا عايزة اشوف :)
    مينفعش تبعت نسخة الكترونية -عدد قديم حتى عشان منحرقش الجديد- D:
    و تضم جامعة قناة السويس لاماكن التوزيع
    لو عجبتنا طبعا (وش بيصفر)

    سارة صبحى

    ردحذف
  11. طيب ما ننزل قصص م المجلة كبوستات عادية كاهوه

    ردحذف