إللى أوله هراء أخره هبل

بص يابنى و بصى يابنتى ......

المدونة دى أنا عاملها علشان دماغى ، علشان متجننش ، علشان زى ما هو باين

من إسمها أصرف فيها الشحنات الكهربية و الأفكار و الكلام إللى لو إتحبس 

دماغى هتضرب و أتجنن 

و إنت أكيد ميخلصكش إنى أتجنن ......مش كدا ...

يعنى إنت هنا ــ و أنا معاك برضه متزعلش كدا ــ فى شبكة صرف عقلية 

فأهلا بك فى عالم الصرف و  المجارى و الهراء .......الذى لا داعى له .

الثلاثاء، 15 مارس 2011

هقول ( نعم )







هو أنا شخصيا مش شايف إن التعديلات كافية

و كان الدستور الجديد هيبقى أفضل

بس إحنا دلوقتى قدام أمر واقع هو إن الجيش خدنا على رجليه

و إن مش إحنا بس الاعب الوحيد فى ملعب مصر

لإن معانا الجيش و بقايا النظام و أمريكا و اليهود

و إن الثورة معادتش بالقوة و الجموح بتاع الأول يعنى إحنا الطرف

إللى قوته بتقل مع الوقت

يبقى لازم نمسك حاجة فى إيدينا قبل ما بتزايد إنفضاض الجموع الرئيسية من الناس البسيطة أو إللى مالهومش فى المجاهدة طويلة الأمد و دول كانوا الجموع الأساسية إللى شالت الشباب الناشطين و ساندتهم



فيبقى أحسن نعملها بمزاجنا


كمان أنا معنديش ثقة فى قادة المجلس العسكرى دول

و عندى أسبابى



يبقى كويس إن الجيش يتفضل مشكورا يروح بيتهم و إحنا بقى نجيب رئيس مدنى على مزاجنا

طيب إحتمال إنه يتعوج علينا ....اه دا حقيقى قائم

بس أكيد الأسهل إنك تعدل عوج رئيس مدنى لسا عضمه طرى و ليه أعداء طبيعين

أسهل ما تعدل الجيش لو قرر إنه يتعوج عليك و دا معندوش هزار بقى


و طول وجوده فى البلد أكتر من 6 شهور زى ما الحالمين بيقولوا

مش حاجة حلوة



كمان إللى بيقولوا لأ

أصل الإخوان و الحزب الوطنى


أولا الإخوان دول من وجهة نظرى هما أحسن ناس فى البلد دى و هبقى سعيد لو حكموا بس الناس قصروا السكة و قالوا داخلين على 40% بس


ثانيا :

بتوع الحزب الوطنى كانوا بيترشحوا علشان ياخدوا فلوس من مقاعدهم
طيب فى وقت وحش زى دا مفيهوش فتة و لحمة

أنا كرجل أعمال فاسد هرشح نفسى ليه و أعرض نفسى للتشنيع و التدوير فى الدفاتر القديمة





دى ناس بتتحجج





لكن


الجميل

إن نعم أو لأ


الإتنين كلاهما فيه من الصح


و إنت و رأيك بقى فى دى


نعم قشطة

لأ قشطة برضه




بس لازم تنزل و تنزل أبوك و أمك و أخواتك الكبار


لازم نشهد اللحظة التاريخية دى

و كمان لازم نثبت لجهات بعينها إن الثورة إنتقلت من حالة الهتاف و ميدان التحرير لحالة الصناديق و الحبر الفسفورى

و إننا فى أى وقت ممكن تانى ننقلها للحالة إللى إحنا عايزينها

لو لاحظنا عوج من أى جهة



هو يا جدعان يعنى بغض النظر عن أى حاجة

و بغض النظر عن تفاصيل الثورة و نتايجها و خباياها إللى مش هنعرفها غير فى المستقبل

و بغض النظر عن إنى رايح يوم السبت أقول (( نعم ))

بس يعنى تخيل معايا المنظر من حوالى شهر و نص بس

كنت عمرك تفكر فى حاجة زى كدا

إنت ...!!!

إنت المصرى المعفن

إللى مالوش لازمة فى الحياة

إنت نازل يوم السبت تقول (( رأيك )) !!!!!!

لأ و مش بس كدا

دا كمان رأيك دا هيتحسب

و هيأثر فى مستقبلك و مستقبل عيالك بشكل أو بأخر

يا حلاوة يا ولااااااااد

دا الواد عليوة كبر و بقى ألافرانكا خالص

لا و مش بس كدا

دا إنتوا كمان عمالين تتناقشوا مع بعض

و أنا شايف إن الإنتخابات المش عارف إيه تبقى قبل إيه

و أنا من وجهة نظرى إن المادة الفلانية مش عارف مالها و كان المفروض بتوع التعديل يعملوا فيها مش عارف إيه

يا حلولى يا حلولى

زغرتى يا بت

لولولولولولولولولى

هناك 4 تعليقات:

  1. اعتقد ان كلامك صحيح بالنسبه لموضوع التدعيل في الدستور
    ليس وقته ابدا ان نقول "لا"
    نريد بعض الاستقرار في البلد وبعدها يحلها ربنا

    ردحذف
  2. موضوع الإستقرار دا مش فى حساباتى خالص

    أنا أصلا مش شايفها كانت مستقرة قبل كدا علشان أقول عايزها دلوقتى مستقرة


    الفكرة إنى مش مطمن لوجود الجيش فى البلد



    الإنتخابات دلوقتى هتدينا وضع مؤقت و غير نهائى و بصراحة هو دا إللى أنا عايزه

    ردحذف
  3. جميل يعنى ال 100 بتوع الدستور الجديد هتاخد منهم 50 % عمال وفلاحين

    يعنى اما ..

    اللى زى سيد شمس ،، أو اللى زى الراجل اللى كان رابط البهايم جمب الجدار ده

    ردحذف
  4. ثقافة الهزيمة .. العتبة الخضراء

    و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار. و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير.

    ..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!

    باقى المقال ضمن مقالات ثقافة الهزيمة بالرابط التالى www.ouregypt.us

    ردحذف