إللى أوله هراء أخره هبل

بص يابنى و بصى يابنتى ......

المدونة دى أنا عاملها علشان دماغى ، علشان متجننش ، علشان زى ما هو باين

من إسمها أصرف فيها الشحنات الكهربية و الأفكار و الكلام إللى لو إتحبس 

دماغى هتضرب و أتجنن 

و إنت أكيد ميخلصكش إنى أتجنن ......مش كدا ...

يعنى إنت هنا ــ و أنا معاك برضه متزعلش كدا ــ فى شبكة صرف عقلية 

فأهلا بك فى عالم الصرف و  المجارى و الهراء .......الذى لا داعى له .

السبت، 1 مايو 2010

تعالى كدا شوية






ــــــ أيوة تعالي كدا لو سمحت
= كدا ؟؟
ـــــ لأ مش كدا ........ تعالي يمين شوية كدا .......
= كدا ؟؟
ــــ لأ لأ مش كدا ....تعالي شمال حبة ......
= كدا ؟؟
ــــ لأ ........مش كدا ........طب بص حضرتك ...أقعد أحسن ..... إتفضل حضرتك إستريح ....

= كدا ؟؟
ـــــ إعدل بس دماغ حضرتك فوق شوية ......أيوة إرفع دقنك شوية كدا ....إبتسم بقى ...

لأ إبتسم سيادتك مش تورينى لسان المزمار .
= كدا ؟؟
ــــ أيووووة ................ تماااام كدا ........ ثانية واحدة حضرتك .....


(( كليك .....تريك ....... بوووووووم ))


= أي ي ي ي .........


(( طاااااااخ ........))


ـــــ إللي بعده ............ يالا يا فوزى بسرعة .......... عندنا أسري كتير النهاردة ...... شهلوا شوية ..........و بعدين هاتوا حد ينشف الدم دا علشان مش معقول كدا مش عارف أشتغل منكم

أنا عايز أخلص الكام واحد إللى فاضلين دول بسرعة علشان ألحق عيد ميلاد نورا بنتى .....

........أيوة إتفضل هنا حضرتك .......... لأ ....يمين شوية ........
= كدا ؟؟
ــــ لأ ......شمال شوية ....لأ ......تحت حبة ।







( تمت )

هناك 11 تعليقًا:

  1. هه
    بتفكرنى بالاسرى المصريين الموجودين حتى الان عند اسرائيل

    ردحذف
  2. مش عارف اضحك ولا ابكي....
    والله عندك حق.... سلامة دماغك ودماغي...

    ردحذف
  3. wasa3 keda shwaya 3ayza atfarag :P:P


    heya weslet le keda :D naza3at erhabeya we tasfeya gama3eya
    yabny matet3ebsh nafsak rakebhom tyara wa7da kolohom we 5laaas

    we kol sana we Nora tayeba ;) :P

    ردحذف
  4. انا مش فاهم مغزي القصة ..
    بس اللي فهمته التعذيب في سجون الإحتلال الوطني ,,,

    ردحذف
  5. سيناريو مثير ومحكم
    بس بلاش استجعال؟؟؟
    خليه يروح يحتفل بعيد ميلاد نورا
    وبعدين يجىى يخلص مهمته براحته خالص
    يكونوا الجماعة نظفوا المكان

    ردحذف
  6. قلــ"بـــلال"ــــــب فارس


    شخصيا بتفكرنى بالأسرى المصريين إللى موجودين فى مصر


    **********

    سمع هوص (Abo 3li)


    إضحك أو إبكى

    المهم تاخد فعل تنفيسى معين علشان الكبت الفكرى ميخلكش تطق

    ردحذف
  7. Sarah Sobhi


    بس الرصاص أرخص من تمن وقود الطيارة
    دا غير إن الرمى من الطيارة مش وسيلة إنسانية


    المهم جبتى إيه هدية لنورة .....؟

    **********


    MR.PRESIDENT

    هو دا يا ريس إللى فى دماغى

    ردحذف
  8. sal


    لا يا أفندم إزاى

    دى ناس بتتقى الله فى شغلها

    وقت الشغل محدد بمواعيد .....علشان ربنا يبارك فى لقمة العيش


    **********

    لورنس العرب


    أهى تخيلات بتروح و تيجى

    كل ما تكتب واحدة كل ما فضاء الحجرة بيقل كثافة

    ردحذف