إللى أوله هراء أخره هبل

بص يابنى و بصى يابنتى ......

المدونة دى أنا عاملها علشان دماغى ، علشان متجننش ، علشان زى ما هو باين

من إسمها أصرف فيها الشحنات الكهربية و الأفكار و الكلام إللى لو إتحبس 

دماغى هتضرب و أتجنن 

و إنت أكيد ميخلصكش إنى أتجنن ......مش كدا ...

يعنى إنت هنا ــ و أنا معاك برضه متزعلش كدا ــ فى شبكة صرف عقلية 

فأهلا بك فى عالم الصرف و  المجارى و الهراء .......الذى لا داعى له .

الأربعاء، 9 يونيو 2010

أنا جيت من الكلية يا ماما





الأربعاء 9 يونيو 2010


النهاردة إمتحنت مباديء إقتصاد سياسى

الإمتحان كان لطيف و حلو
حليته و طلعت أول واحد فى اللجنة إستمرارا لعادة محافظ عليها من أيام طب بيطرى الله يرحمها

***********



الحقيقة من واقع مشاهداتى لطلبة كلية حقوق

بناتا و ولادا

فحوالى خمسة و تسعين فى المية منهم ميستحقوش يتعلموا أصلا


الولاد دول يروحو يشوفولهم صنعة ولا حرفة يتعلموها علشان ميطلعوش صيع و عواطلية و قوة إستهلاكية إضافية للمجتمع
و علشان ميلاقوش وقت يعملوا فيه شعرهم سابيكى و يلبسوا بنطلونات متسقطة و يجمعوا نمر بنات على موبايلاتهم

و البنات دول أحسنلهم فعلا تقتصر مهمتهم فى الحياة على إنهم يتجوزوا و يخلفوا عيال و بس ........ لإن الصراحة أنا مش شايفهم مؤهلين لأى حاجة تانية غير كدا فى الحياة


و هما كمان تقريبا مدركين النقطة دى لإن شكلهم و تصرفاتهم بتقول إن مفيش غير كدا فعلا فى دماغتهم

و ياريت ميربوش العيال بنفسهم كمان .....علشان العيال متبوظش



العيال دى يدوبك تاخد إبتدائية علشان تفك الخط و بعد كدا يتحرم عليهم التعليم ...المفروض يعنى



لو رميت كل النسبة دى

هتوفر نفقات تعليم حكومية و كمان نفقات أهالى

و هتزود الإنتاج بزيادة اليد العاملة فى الأعمال اليدوية

و هتخرب بيت شركات الميك أب و مصانع البدى الكارينا و الطرح الملونة



و أخيرا ....

هتفسح مجال لنسبة 5 % فقط من الولاد و البنات إللى فعلا يستحقوا يتعلموا قانون و إللى يشيلوا مصير السلطة اقضائية فى الوطن

و ساعتها هيتعلموا كويس
و مش هيختلطوا بالناس التانية ولا ياخدوا من أخلاقهم

و هيبقى عندك فعلا خريجين بحق و حقيق ....يستحقوا يتعلموا و يستحقوا يشتغلوا و يستحقوا يبقى عندهم شهادة عليا تتعلق فى الصالة بدل ما تتعلق فوق البوتاجاز


الصراحة أنا شايف إن الكلام دا برضه بينطبق على باقى الكليات المصرية


يمكن فقط بإختلاف النسبة إللى المفروض تترمى برا النظام التعليمى بين الكليات النظرية و الكليات العملية


و دا مش لحاجة برضه أكتر من الوضع الإقتصادى الغريب إللى خلى الكليات العملية تحظى بأفضل العقول المتاحة لإن مستقبلها أحسن و لإن الشاب و البنت المصرية بيختاروا كليتهم على حسب التنسيق و حسب رغبات و إختيارات المجتمع العقيم المحيط بيهم مش بالرغبة و الميول و الطموح و التفضيل

بينما الكليات إللى بتعتمد أساسا على الفكر و الخيال زى أداب و حقوق و تربية

أصبحت فى قاع السلم و بتستقبل نوعية عقول عجييييييييبة علشان مستقبلها وحش و تنسيقها أقل





من ناحية تانية برضه ...تيجى تبص

تلاقى إن العيال دى برضه معذورة

ما هو إحنا مش نفضل ننقد فى الشباب و نقطم فيه وخلاص

يعنى إنت أى مشروع فى العالم إنت لازم تديله معطيات in put علشان يديلك مخرجات out put

فين بقى المعطيات إللى إنت إديتهالهم ؟؟

قولى كدا العيال دول إتربوا على إيه ؟؟؟

سعاد حسنى ، حسين فهمى ، نانسى ، هيفا ، تامر

أغانى، أفلام ، هيافة ، عبط ، هبل ، قرف ، زفت

هراء فكرى .....

هراء فكرى و نفسى و إجتماعى ملينا بيه أوراحهم من صغرهم




دا غير إنه تعرض لتربية قمعية و تسلط فوقى مدى حياته

فى البيت سلطة مش محدودة بحدود العقل و إللى الدين أمر بيه

فى الشارع سلطة عسكرى

فى المدرسة سلطة مدرس

فى الجامعة سلطة دكتور


كلها سلطات لا محدودة ...و غير منظمة ...و الغلط مش فى وجودها لكن فى سوء توجيها و مقدارها


مش عارف بقى أنا سوداوى و دماغى تعبانة فعلا
ولا فعلا إحنا معدناش بنعرف نربى

لا عارفين نربيهم شرقى ولا غربى

لا ربيناهم زى ما الدين قال إزاى نربى

ولا ربيناهم زى ...ما الغرب الناجح عرف يربى



نبتة جميلة خضرا صغيرة
إنت سقيتها نفايات نووية

لا تشتكى إذن عزيزى حينما تتحول لمسخ بشع الهيئة سيء التصرفات



العيال دى كان المفروض يحصلوا على تربية نضيفة و أكل نضيف و تعليم نضيف و معاملة نضيفة ......

ولما يوصلوا سن البلوغ بتاع الكائنات الحية الطبيعية إللى عندها دم و بتحس نجوزهم علشان ميقعدوش مع بعض على سلالم الكلية ثنائيات و شلل نرجع نلومهم عليها و نقول شباب قليل الحيا



فعلا بلد غبية و مقرفة ولا عقلانية .....و بتاعة مجانين .


الشباب دا هو القوة المحركة ، هو الروح فى الجسد ، هو كل حاجة نضرة و حلوة و جميلة سواء فى حياة الإنسان أو فى حياة الأمة


إحنا ببراعة حولناه لفترة ممسوخة ، مشوهة ، معطلة ، وقت ضايع فى حياة الشاب المصرى






أنا بحبك يا أستراليا ..........





هناك 12 تعليقًا:

  1. ربنا يستر علي ولادنا
    ويرحمهم
    ويهديهم


    ربنا يستر علي ولادنا
    ويرحمهم
    ويهديهم



    ربنا يستر علي ولادنا
    ويرحمهم
    ويهديهم



    ربنا يستر علي ولادنا
    ويرحمهم
    ويهديهم



    ربنا يستر علي ولادنا
    ويرحمهم
    ويهديهم

    قــــــــــــــــــــــــــــــادر يا كريم

    ردحذف
  2. ربنا يستر عليهم مننا إحنا فى المقام الأول

    ردحذف
  3. ربنا يستر من المستقبل
    ........
    لو تعرف ما فى الغيب لترضى مافى الجيب

    ردحذف
  4. يعنى إنت أى مشروع فى العالم إنت لازم تديله معطيات in put علشان يديلك مخرجات out put

    فين بقى المعطيات إللى إنت إديتهالهم ؟؟
    **************
    انا معاك ان الشباب معذور
    مهما ربيت وقلت.... القمع اللى فى كل مكان
    حيعمل تأثيره ويبوظ كل اللى انت عملته
    **************
    لا اتوقع من انسان مقهور يعيش تحت الاستبداد بكل تنويعاته اى فائدة ترجى
    .....
    والحل .... التمرد لوجه الله

    تحياتى وتقديرى

    ردحذف
  5. أيوووة

    زى ما قولت حضرتك كدا


    تمرد ، ثورة ، حركة ، غضبة

    و لوجه الله ....مش علشان متاع الدنيا الزائل




    يا إما كدا يإما نهاجر كلنا أستراليا

    ردحذف
  6. واضح انك متضايق اوي

    ولا يهمك سيبها على الله

    ردحذف
  7. و إيه ممكن ميخلنيش أتضايق يا شارم ؟


    ***********

    أنا بقى يأبو على موضوع حب مصر دا

    قعدت فكرت فيه كتير قوى

    و وصلت لنتيجة ...قد تكون غلط و قد تكون صح

    و هى إن المنطق و الموضوعية تخلينى محبش مصر

    بالنسبة للعاطفة فدى حاجة بالإحساس ...و الإحساس مش بيستورد

    عارف إنت كدا عامل زى الحب من طرف واحد
    بيتقلب بعدها لكره شديد ...


    قد يكون دا بسبب إن دماغى تعبانة ...و قد يكون دا فعلا صح


    لكن الصراحة أى بلد فيها حرية إعتقاد و حرية عمل
    أكيد هتبقى أفضل



    و أنا برضه بحب أستراليا

    ردحذف
  8. محدش حاول يعرفهم قدراتهم الحقيقية
    ده غير ان من ساعة ما اتولدوا عارفين ان حقوق دى كلية المنفضين بتوع الثانويه العامة مش كلية رجل (القانون) اللى المفروض المجتمع يتكون على اساسه

    و مش حقوق بس ..كل كليات القسم الادبى اللى بتناقش جانب معنوى حقها مهضوم

    و بعدين متنساش انهم لسه سنة اولى و فرحانين ان مفيش طابور و لبس مدرسه و مش مضطرين ينطوا من عالسور عشان يقابلوا بنات
    دى لوحدها بيبتدوا يحضرولها اول ما يملو استمارات الثانويه العامة

    مع ان فى نسبة كبيرة برضو العكس تماما بس المشكله ان دايما الغلط بيطفواعالسطح

    ردحذف
  9. السلام عليكم

    عاااادي يا راجل ولا تحرق دمك ... طيب ماهو برضو أيام الكليه ... إحنا كنا فنون ... المفروض لما يمتحنو شخص ويعدي من الإمتحان ويدخل المخروبه الكليه دي .. يبقى بيعرف يرسم ... أبص على سكتش زميله وإحنا في سنه رابعه ألاقيها مش عارفه ترسم قُله حتى ... وسكتش تاني واحده مش عارفه ترسم بالمسطره .. إقنعني بقى إن واحده زي دي تجيب جيد جدا وواحده محروق دم أهلها وتطلع بموااااد!!! فعلا فعلا فعلا بلد غبية و مقرفة ولا عقلانية .....و بتاعة مجانين

    تحياتي .. بوست رائع ويحرق الدم في نفس ذات الوقت :))

    ردحذف
  10. https://upload.facebook.com/169727739707591/photos/a.183765264970505.50202.169727739707591/901575039856187/?type=1&relevant_count=1

    ردحذف
  11. .انضم إلى eToro وقُد ثورة التكنولوجيا المالية

    حكمة الجموع المتداولون الذين يستخدمون CopyTrader™ من eToro يزيد احتمال أن يحققوا أرباحًا بنسبة 60%

    ردحذف