إللى أوله هراء أخره هبل

بص يابنى و بصى يابنتى ......

المدونة دى أنا عاملها علشان دماغى ، علشان متجننش ، علشان زى ما هو باين

من إسمها أصرف فيها الشحنات الكهربية و الأفكار و الكلام إللى لو إتحبس 

دماغى هتضرب و أتجنن 

و إنت أكيد ميخلصكش إنى أتجنن ......مش كدا ...

يعنى إنت هنا ــ و أنا معاك برضه متزعلش كدا ــ فى شبكة صرف عقلية 

فأهلا بك فى عالم الصرف و  المجارى و الهراء .......الذى لا داعى له .

الأربعاء، 10 مارس 2010

شيخ الأزهر مااات ...الله أكبر

82 سنة .........!!!!

هو ليه كل الفاسدين و الخونة و الصامتين و والمنتفعين و الظلمة و الطبالين و الزمارين عندنا أعمارهم طويلة كدا


سنين طويلة من تبرير الظلم و موالسة نظام الحكم الفاسد

و خيانة الأمة لحساب اليهود  



يا ترى هينفعوه دلوقتى !!!!!!!!!!!!!!

بياع

و أسوأ شيء فى الدنيا العالم إللى يبيع دينه بدنيته 

خاين 

و أسوأ أنواع الخيانة خيانة الدين 

منافق 

نفاق على كل لون ...لنظام الحكم الفاسد و لليهود و الأمريكان و لكل أعداء الأمة 


فيك كل العبر يا شيخ الأزهر 

و متفتكرش إن الدفن فى البقيع هيفرق مع من كتب الله عليه العذاب بأعماله  الفاسدة 



الصراحة دا من أسعد الأخبار إللى سمعتها مؤخرا


يا أخى شيء نادر إنك تسمع عن موت واحد من الزمرة الحاكمة

و أدى واحد من زمرة الحكم الفاسد

و دى علامة سعيدة

يااااارب


عقبال الكلب الكبير

عقبال كل المسوخ يارب

هناك 16 تعليقًا:

  1. وكان من مواقف طنطاوي المثيرة للجدل مصافحته للرئيس الإسرائيلي شمعون بيريز ولقاؤه حاخامات يهودا، ورأيه في العمليات الفدائية في فلسطين، واعتباره النقاب "عادة اجتماعية" لا فرض

    ردحذف
  2. آنا لله وآنا اليه راجعون
    ما يجوزش على الميت الأ الرحمة
    هو أفضى الى عمله الأن ويحاسب به
    فلا يجوز لنا الا الترحم عليه ليس
    حباً فيه ولا كرهاً له ولكن وكما
    قلت لك لقد أفضى الى عمله ومحاسب عليه

    ردحذف
  3. انا موافقة norahaty
    الراجل توفاه الله و هو اعلم بعباده و لو اختلفنا معاه و افعالة فالوضع مختلف دلوقتى
    آنا لله وآنا اليه راجعون

    ردحذف
  4. يا جماعة أقولكم إيه بس

    أنا عارف إن الحماسة جرفتنى

    بس أنا سعيد إن واحد من الحكام و الطغاه مات

    دا خبر فرحنى

    الصراحة أنا شايف إنى لو تظاهرت بعكس كدا أو إن الخبر مفرقش معايا يبقى كدا بنافق



    يعنى أكيد يوم ما واحد زى مبارك يموت أكيد يعنى برضه هبقى فرحان و سعيد

    مش عارف بقى دى تبقى شماتة و لا لأ

    بس أنا مدخلتوش جنة و لا نار

    أنا بس سعيد بإنه ترك الدنيا لكى تكون أقل شرا


    هفضل دايما فاكر لهذا الرجل
    صورته و هو بيسلم على رئيس إسرائيل و أخبار إجتماعاته مع الحاخامات و ولاد المسلمين بينضربوا بالصواريخ

    و هفضل فاكر خطب الجمعة المقرفة إللى كان بيقولها فى الإذاعة يوم الجمعة

    و هفضل دايما فاكر مشهد لما مبارك وقع فى مجلس الشعب و قعد يدعيله و الإخوة الأعضاء يأمنوا وراه

    هفضل فاكرله موقف النقاب و كلمته للبنت الصغيرة

    هفضل فاكرله الفتوى بتاعة جلد الصحفيين ....أيام القضية بتاعة إبراهيم عيسى و موت مبارك


    هفضل فاكرله حاجات كتييييير قوى غلط

    و مش هنساها علشان لما يجى إللى بعده و نلاقيه ماشى على خطاه منساش إن دا حصل قبل كدا


    أنا الحقيقة مش قادر أتفق معاكم ....

    و هفضل فاكرله إن العرى و الخلاعة و الفساد المالى و الإدارى و الأخلاقى إتصب علينا من كل حتة

    و لم يحرك من أجل ذلك ساكنا

    ردحذف
  5. الله يرحمه ويغفرله

    ردحذف
  6. ايه اللي انت بتقوله ده فعلا هراء
    ده لو كان كافر مكنتش اتكلمت عليه بالاسلوب المقزز ده

    الله يرحمه

    ردحذف
  7. يا احمد على الاقل اذكروا محاسن موتاكم
    و لو مفيش اى حاجة كويسة يبقى اترحم عليه و شوف مين اللى هيجى مكانه و هيعمل ايه و لما يغلط اعترض و قول و اعمل اللى انت عايزه

    لكن المتوفى ربنا بيحاسبه و احنا ملناش نتكلم بعد حساب ربنا

    بص احنا كلنا مشحونين و مش طايقين حد من اولى السلطه
    بس ده موت .!! حاول تتحكم فى انفعلاتك

    ربنا يرحمنا جميعا

    ردحذف
  8. الموت مفيهوش شماتة ولا يجوز على الميت غير الرحمة
    والله اعلم بقلوب البشر احنا مش هنحكم على الناس
    يمكن فى اخر لحظات ربنا كرمه بتوبة عن افعاله اللى ربنا بس هو اللى هيحكمه عليها
    ربنا يرحم جميع موتى المسلمين اللهم امين يارب العالمين

    ردحذف
  9. بص انا كنت طول عمري بنتقده وبتتريق عليه... بس بما انه مات يبقي الترحم بس هوا اليجوز عليه كانسان مات... انما كمنصب.. يبقي نقول انه مكنش جدير بمنصبه ده وندعي ربنا يرزقنا بحد جدير بالمنصب ده...
    الله يرحمه ويرحمنا...

    بصراحة انا كنت مستني خبر شبه ده يجي من المانيا.. مش من السعودية... بس جات اوت ...

    ردحذف
  10. يا جماعة محدش يقدر يقول دا داخل جنة و دا داخل نار

    كدا يبقى تجديف و تدخل فى مشيئة الله



    لكن أنا عمرى ما سمعت عن شعب فى الدنيا بيبجل ظالميه و مستعبديه ولما يموتوا كمان يدعيلهم


    يعنى إنتوا عايزين يوم ما مبارك يموت ...أدعيله !!!!
    أقول ربنا يرحمه !!!!!!

    لأ ...

    دا أكتر من قدرتى على التحمل

    مش داعيله و لا داعى عليه


    هفضل بس فاكرله إنه كان واحد من أكبر أبواق النظام
    و إنه شارك فى الظلم و أكده و ثبته بالصمت و الموالسة


    دا إللى يخصنى منه


    نار و جنة بقى و حساب الأخرة ....دا مش بتاعى

    و مفيش حد بيخش قبر حد و كل واحد ليه حسابه مع ربنا و دى منقدرش نتكلم فيها



    و يوم ما يجى خبر إللى فى ألمانيا هكون سعيد جدا برضه

    حد ميفرحش يا جدعان فى جاره إللى ظلمه و شرده و خانه و جوعه و باعه و نكل بيه أشد التنكيل

    ردحذف
  11. عارف إنه صعب نتفق فى موضوع زى دا خاصة و النت كله حوارات و نقاشات النهاردة كلها على الموضوع دا

    و مفيش إجماع على حاجة

    ياريت إللى قرا رأى مخالف لرأيه ميتضايقش

    هو إحنا كدا

    مختلفين

    دى طبيعة الأشياء

    ردحذف
  12. Lady E



    طيب بس بهدوء ....


    هو لو كان واحد من الكفرة مكانش هيحرق قلبى كدا


    معلش ممكن يكون الأسلوب ــ المقزز ـــ دا بالغت فيه حبتين

    لكن الفكرة واحدة


    أحدهم قد مات و عقبال الأخرين


    لا أنا بقى هشق على صدره و لا أعرف مات على إيه و لا ربنا هيدخله جنة و لا نار و لا الحاجات دى لأى حد إنه يتكلم فيها أساسا



    لكن دا شخص من ضمن ألاف الأشخاص إللى هيدونوا فى الذاكرة و التاريخ

    و أعتقد إنى مش هبقى متجنى لو قولت إنه مش هيذكر إسمه فى كلاهما بالخير


    هل كلامى دا يجانب الصواب يا جماعة ؟

    ردحذف
  13. ( بيان جبهة علماء الأزهر )

    من مدونة مهندس مصرى



    إلى الذين لا يزالون في الغي سادرين، يكيلون لهذا الشيخ المديح الكاذب، ويُزجون إليه بشهادة الزور: اعلموا أن الأرض لا تقدس أحدا، فإن البقيع الذي ضمَّ أشرف الأجساد بعد رسول الله صلى الله عليه وسلم من الصحابة والتابعين قد ابتلع أيضا في جوفه أخبث النفوس وأرداها ، ضمَّ عبد الله بن أبي بن سلول الذي كُفِّن فوق ذلك برداء رسول اللهصلى الله عليه وسلم بعد أن صلى عليه صلى الله عليه وسلم ، ومع هذا فقد فنزل فيه قول الله رب العالمين ( اسْتَغْفِرْ لَهُمْ أَوْ لا تَسْتَغْفِرْ لَهُمْ إِنْ تَسْتَغْفِرْ لَهُمْ سَبْعِينَ مَرَّةً فَلَنْ يَغْفِرَ اللَّهُ لَهُمْ ذَلِكَ بِأَنَّهُمْ كَفَرُوا بِاللَّهِ وَرَسُولِهِ وَاللَّهُ لا يَهْدِي الْقَوْمَ الْفَاسِقِينَ) (التوبة:80)
    ثم قوله تعالى ( وَلا تُصَلِّ عَلَى أَحَدٍ مِنْهُمْ مَاتَ أَبَداً وَلا تَقُمْ عَلَى قَبْرِهِ إِنَّهُمْ كَفَرُوا بِاللَّهِ وَرَسُولِهِ وَمَاتُوا وَهُمْ فَاسِقُونَ) (التوبة:84)
    وضم البقيع أيضا " أوس بن قيظي" الذي قال كاذبا للفرار من الزحف : ( إن بيوتنا عورة ) فأكذبه الله تعالى وقال( وما هي بعورة إن يريدون إلا فرارا) الأحزاب 13 ، و فيه من المرجومين باللعن "حاطب بن أمية بن رافع" الذي أثخنته الجراح يوم أحد فقال " غرَّرتم والله هذا المسكين من نفسه" ،وفي البقيع أيضا قبر " أبيرق أبو طعمة" سارق الدرعين الذي نزل فيه قوله تعالى (وَلا تُجَادِلْ عَنِ الَّذِينَ يَخْتَانُونَ أَنْفُسَهُمْ إِنَّ اللَّهَ لا يُحِبُّ مَنْ كَانَ خَوَّاناً أَثِيماً) (النساء:107)،و قبر قزمان بن حليف الذي آلمته جراحه بعد أن قتل من المشركين يوم أحد سبعة ثم قتل نفسه فمات منتحرا وقال "والله ما قاتلت إلا حمية عن قومي، ثم مات لعنه الله – كما قال ابن إسحاق-، و من موتى البقيع "الضحاك بن ثابت" الذي كان يُتَّهم بالنفاق وحب اليهود ،وكان من بني عبد الأشهل من الأوس، وكذلك "وديعة بن ثابت" الذي كان ممن بنى مسجد الضرار ،وهو الذي قال ( إنما كنا نخوض ونلعب) .
    هؤلاء وغيرهم كثير ممن دفنوا بالبقيع لم يشفع لهم البقيع أو يرفع لهم خسيسة . فلا يغرنكم من الشيخ أن كان في البقيع مرقده عن طلبه ، ودَعُوا قول الزور على الله وعلى المؤمنين، واذكروا للشيخ إذا أردتم أن تكتبوا عنه أو تشهدوا :
    1- أنه كان أول شيخ للأزهر قال بإباحة ربا البنوك –وهو شر أنواع الربا-
    2- وأول من سعى في مطاردة كل مخالف له وناصح
    3- وأنه أول من دنس عرصات المسجد الأزهر بأقدام أحبائه من الصهاينة اليهود .
    4- وأنه كان أول زار نوادي اليهود المشبوهة بمصر من الليونز والروتاري من شيوخ الأزهر وعلمائه .
    5- و كان كذلك أول شيخ للأزهر يضع يمين زعيم المجرمين قائد مذبحة قانا في كلتا يديه- وكلتا يديه الآن شؤم عليه لأنه مات على ذلك من غير اعتذار أو إعلان ندم واستغفار، بل إنه كرر الجلوس إليه بعد أن أنكر معرفته له وقال فيه –وهو من أبح الخلائق- إن وجهه كان مألوفا لديه.
    6- وأنه أول من سعى من شيوخ الأزهر في خراب الأزهر، فاتخذه ضيعة له ، فألغى في المعاهد الأزهرية الفقه المذهبي لحساب كتابه السقيم "الفقه الميسر" ، ثم فرض بقية كتبه على حساب المراجع العلمية الأصلية فيه من تفسير، وتوحيد، وعلوم قرآن ، ثم الحديث وعلومه لصالح شريكه أحمد عمر .
    7- وكان أول من استقبل عمله بحذف اثني عشر جزءا من القرآن الكريم من مراحل التعليم الأولى، ثم قام بحذف آيات الجهاد من كتب التفسير، وتآمر مع المتآمرين على الأزهر وتم حذف السنة الرابعة من المرحلة الثانوية.
    8- وهو أول من أفتي بجواز حصار المستضعفين من أبناء غزة المحاصرين ، وخرس عن جريمة إمداد اليهود بسلاح الغاز والبترول.
    9- وكان أول من امتنع ومنع من الصلاة على الغائب بالأزهر الشريف، وقد صلوها عليه !!!.

    ردحذف
  14. 10- وهو أول من أدخل التعليم الفني على الأزهر الشريف من تجاري وصناعي وزراعي ليخنق به رسالة الأزهر في معاهده تمهيدا للإجهاز على البقية الباقية منه.
    11- وهو أول من حارب النقاب في مصر وأعان على حرب الحجاب في خارجها
    12- وهو أول شيخ للأزهر يتهم بتلقي الرشا - ثلاثة قصور بمدينة الشروق من وزير الإسكان
    13- وهو أول شيخ يجعل من المشيخة دارا للأفراح والليالي الملاح طلبا للدون من عرض الدنيا
    14- وهو أول شيخ أهان كتاب الله تعالى ودينه ورسوله والمؤمنين على وفق ما نشر لنا في آخر بيان صدر منا إليه " قبل أن يقال لك ذق إنك أنت الإمام الأكبر" وذلك قبل موته بأسبوعين على رجاء مراجعة أمره مع الله تعالى ودينه ورسوله وعلماء الشريعة والمؤمنين. فما أجاب، وما فعل .
    15- وهو أول من تسوَّل الحكم بغير ما أنزل الله في خصومه .
    16- وأول شيخ للأزهر يحرف الكلم عن مواضعه فيؤثم من لم يذهب إلى صناديق الاستفتاء، ويطالب بجلد من ينتقد رئيس الجمهورية من الإعلاميين والصحافيين.
    إلى غير ذلك من الكثير الكثير الذي أحصاه الله له ونسوه.
    على أقل تقدير ترد إلى الأمة الأموال الحرام قبل أن يدعوا الداعون ويشهد غير المستشهدين.
    صدر عن جبهة علماء الأزهر في 28 من ربيع الأول 1431هـ الموافق 14 من مارس 2010م

    ردحذف
  15. الحمد لله

    دايما كل ما الأراء الغريبة تهز ثقتى فى فهمى للدين

    عادة بطلع صح

    ردحذف