إللى أوله هراء أخره هبل

بص يابنى و بصى يابنتى ......

المدونة دى أنا عاملها علشان دماغى ، علشان متجننش ، علشان زى ما هو باين

من إسمها أصرف فيها الشحنات الكهربية و الأفكار و الكلام إللى لو إتحبس 

دماغى هتضرب و أتجنن 

و إنت أكيد ميخلصكش إنى أتجنن ......مش كدا ...

يعنى إنت هنا ــ و أنا معاك برضه متزعلش كدا ــ فى شبكة صرف عقلية 

فأهلا بك فى عالم الصرف و  المجارى و الهراء .......الذى لا داعى له .

الثلاثاء، 30 مارس 2010

( إخترناه إخترناه )





أنا مش بهزر لما أقول إنى فعلا بحب الأغنية دى 


بجد فعلا ...

سيبك إنت من شوية الأغانى الركش إللى نزلت اليومين دول

و الأغنية التعبانة بتاعة شيرين

فعلا مستوى الإنتاج المصرى بينخفض حتى فى تصنيع النفاق
الجودة بقت قليلة حتى فى أحسن منتجاتنا

أنا عايزك كدا بحيادية و موضوعية تسمع إوبريت إخترناه

شوف الكلمات و الألحان و كمان الأداء



بجد حاجة حلوة فعلا

سيمفونية رائعة

أنا بحب الأغنية دى لدرجة إنى عاملها رنة موبايلى بقالى بتاع أربع شهور


تسمع كدا أداء صفاء أبو السعود و لطيفة تحس بالإنشراح
ولا شفيقة ....يا سلااام
و لا محمد ثروت و العزبى و حسن الأسمر 
إيه الحلاوة دى !!

أنا شخصيا مش بقدرأنزل الشغل الصبح من غير ما أسمع 3أغانى
إخترناه و هم النم يا روحى بتاعة عفاف راضى و كعب الغزال بتاعة
محمد رشدى


و علشان أشارك الكل فى المتعة دى

أدى الكلمات ......

حاول تنزل الأغنية و إسمعها بدون تحيزات مقولبة و بدون ما تشتم أو تسب
و تذوق مواطن الجمال فيها


بجد .....( هتستمتع )






إخرتناه إخترناه
يوم ما عبر وقلوبنا معاه
إخترناه إخترناه
من اول كلمه سمعناه
إخترناه إخترناه
من اول عهده فهمناه
إخترناه إخترناه
وعلى حياتنا إستئمناه

وده تكليف مش تشريف ولا فخفخه ولا ملك وجاه
حمل تقيل وهموم جيل جاي واجيال جايه وراه

اخترناه اخترناه


اخترناه اخترناه
من غير لجنه ولأ و اه
اخترناه اخترناه
رأينا حر واعلناه
إخترناه اخترناه
فى رجوع طابا وعاهدناه
اخترناه اخترناه
والدنيا كلها عارفاه

وده تكليف مش تشريف ولا فخفخه ولا ملك وجاه
ده ابن بلدنا وهوه قائدنا وبدانا المشوار وياه
واحنا معاه لمشاااااااااء الله


اخترناه اخترناه


لا هيدينى ولا يرقينى ولا فيه مصلحه بينه وبينى
الا بلدنا وحب بلدنا وبقلها ورزقى على الله
علشان كده احنا اخترناه

اخترناه وبايعناه واحنا معاه لمشاء الله

إخترناه إخترناه

بعد سلامنا ورفع علمنا كان نص العالم مخاصمنا
حتى الاخوه أهل النخوه جه وصل الود وصفاه
علشان كده احنا اخترناه

إخترناه و بايعناه و إحنا معاه لما شاْ الله


اخترناه اخترناه



قولنا وقالوا وطول باله مقفلش لكاتب جرناله
واما يحاسب حد يعاند مسمعناش عن حد اذاه
علشان كده احنا اخترناه
اخترناه وبايعناه واحنا معاه لما شاء الله

إخترناه إخترناه

اول مره يا مصر يا حره نقفل باب الحرب المره
بعد ما حرر طابا وقرر يبدا عهد سلام وحياه
علشان كده احنا اخترناه

اخترناه وبايعناه واحنا معاه لما شاء الله


إخترناه إخترناه


وفى لقاءاته ببلدياته بينسى معاهم رسمياته
يفتح قلبه كان حبايبه قاعدين على المصطبه وياه
علشان كده احنا اخترناه

اخترناه وبايعناه واحنا معاه لما شاء الله


إخترناه إخترناه


كله صراحه وزوق وسماحه ويحل المشكله براحه
وبيحكلنا عن مشاكلنا ويقلنا على البير وغطاااااااااه
وعشان كده احنا اخترناه

اخترناه وبايعناه واحنا معاه لما شاء الله


إخترناه إخترناه


كنا فى زنقه وعوزه وخنقه وديونا تكتيفه وشنقه
رسم الخطه الف محطه فات نصها والباقى وراه
وعشان كده احنا اخترناه

اخترناه وبايعناه واحنا معاه لما شاء الله


إخترناه إخترناه



بدأ السكه وفكها فكه باقى علينا شويه فكه
وهنتحمل لما نكمل المستقبل واحنا معاه
علشان كده احنا اخترناه

اخترناه وبايعناه واحنا معاه لما شاء الله


إخترناه إخترناه

لابيخدعنا ولا يطمعنا بكلام إنشاء ملهوش معنى
ولا يوعدنا غير بجهودنا هى الهنا والغنا والجاه 
وعشان كده احنا اخترناه

اخترناه وبايعناه واحنا معاه لما شاء الله


إخترناه إخترناه


روحه السمحه ادب ومصالحه صافى القلب يا كفر مصيلحه
مش متكبر ولا متجبر هادى وابسط خلق الله
علشان كده احنا اخترناه

اخترناه وبايعناه واحنا معاه لمشاء الله




إخترناه إخترناه

















هناك 27 تعليقًا:

  1. انا مكنتش اتخيل انها حلوة كده
    ياااااااااااااااااااااااااه
    ده انا سطحية بشكل
    لازم اعملها رنة موبيل انا كمان
    وبالمرة اعمل لي غسيل مخ
    ويمكن ها يستلزمها غسيل معدة كمان :)

    ردحذف
  2. انا برضه بحب الاغنيه دى

    انت مبتردش عليا ليه يا كابتن بطيخه

    ردحذف
  3. الله عليك....
    فكرتني ب زمن النفاق الجميل...

    "اخترناه وبايعناه واحنا معاه لما شاء الله"
    انا نفسي افهم هما مين دول ال اختارووه وبايعووه؟؟؟
    وواخد بالك انت من "لما شاء الله"... يعني حتي يفرق الموت بيننا....

    يعم حرام عليك .. الواحد مش ناقص حرقة دم... خلينا في المنافقين بتوع اليومين دوول... متفكرناش كمان ببتوع زمان..

    تحياتي

    ردحذف
  4. أنا بعشق الأغنية دي أوي ... و بحب حسني مبارك اصلا.. وحياة ربنا ده بجد.. بحس انه جدي.. ده عايش من ساعت ماتولدت.. يعني عشرة عمر

    ردحذف
  5. لا اخترناه ولا بايعناه وبقولك غوروا يامنافقين

    ردحذف
  6. اغنيه جميله والرئيس تعب جدا معانا بس بصراحه في اماكن محتاجه لرعايه شويه ولازم يراعيها ويشوفها برضهوكفايه غلا الاسعار ياااااااااااااااااااااااااه

    ردحذف
  7. فين الفديو الاصلى لو فى يعنى

    ردحذف
  8. ايوه اخترناة ومش نفاق وبحبك يا ريس كلنا بنحبك
    ربنا يحفظك لمصر ريسنا يا حببنا

    ردحذف
  9. عارفين أنا دخلت الصفحة دي لأني بدور على كلمات الأغنية من الجوجل و بجد ليه كل واحد مننا ميفتكرش الحاجات الحلوة اللي عملها لينا الرئيس معاكم ان في غلاء في الأسعار و أن فيه فساد بس و الله العظيم الراجل ده فعلا طيب أوي يمكن شوية الحرامية اللي باعوه و باعونا هما السبب لكن كل مصري هيحس بمعنى القائد و الأب لما تشوفوا مين اللي هيكون الرئيس و هيجي اليوم اللي نقول كلنا فيه بجد كان نفسنا تبقى معانا لما شاء الله بحبك يا ريس

    ردحذف
  10. انتم شوية كلاب وربنا ولا تستهلو غير انكم تداسو بجزمه الريس مش مستنى اراء كلاب زيكم لا ويهم السحاب نباح الكلاب والريس طول عمره هيفضل فوق وانتم تحت

    ردحذف
  11. راجل دفع من عمره60 سنه فى خدمة الوطن وبيراعى شويه اوباش زيكم يكون ده تكريمه وكلمة الشكر انتم اول المنافقين ولو واحد فيكم ليه اهل واتعلم منهم احترام الكبير وعدم التطاول مكنش يبقى ده اسلوب التعبير انت رعاع

    ردحذف
  12. الف ومليون احبك يااغلى واعظم اب كنت وهتفضل طول عمرك زعيم الامه العربيه ورمز العراقه والاصاله هتفضل فى قلبى وفى كل قلب وفى ومخلص

    ردحذف
  13. انا دخلت مخصوص عشان كنت بدور على كلمات الاوبريت ده .. والله وحشتنا يا ريس .. معلش، بكره التاريخ يقول كلمته و مصر تحفظ لك انجازاتك و اخلاصك من اجل هذا الوطن

    ردحذف
  14. I was looking for the lyrics I love the song :) Thanks for sharing

    ردحذف
  15. تسلم الايادى الكلمات دى ملقتهاش غير هنا انا بحب الاغنيهدى اوى مجهووووووووود رااااااائع

    ردحذف
  16. بجد الكلمات حلوة اوى وانا اصلا بموووووووووووت فى حاجة اسمها الريس وكل اللى بيحب الريس نازل الميدان يوم 24 يونيه
    بجد بعشقك يا ريس ربنا يخليك ويبارك فيك وتخرج من الازمة اللى انت فيها دى
    ودى بايدج انا اسف يا ريس
    http://www.facebook.com/AseF.Yarayes
    ودى بايدج الثورة الثالثة اا ثورة غضب ابناء مبارك
    http://www.facebook.com/Abnaamoubark

    ردحذف
  17. و أنا يعنى أعملكم إيه إذا كنتوا ولاد متناكة معرصين

    تيجوا تعرصوا على صفحتى ليه يا متناكين يا عبيد يا ولاد العبيد

    يلعن أبو أشكالكم الوسخة إنتوا إللى قارفينا فى حياتنا ربنا يولع فيكم و فيهم


    و يارب تتحشروا معاه يوم القيامة

    جتكم القرف

    ردحذف
    الردود
    1. قعلا يا رب تنحشرو معاه ماهو يحشر المرء مع من يحب وخاصة اللي بيحب حد بالطريقة دي انا بكره الراجل ده عما بس لازم احترم اللي بيحبوه وهو ده اللي عملته الثورة انتم دوقتي بتقولو رايكم بفضل الثورة لكن لو قبل الثورة وانا قلت رايي انتم عارفين بقي السيد المختار كان هيعمل ايه
      صباح الخييييييييييييييييييييير

      حذف
  18. فعلا والله الاغنيه جميله اوووى وتنطبق على سيادة الرئيس بالظبط والله بحبك ياريس بجد من اول يوم عرفت فيه انك رئيسنا وانا بحبك وبحترمك بكرة التاريخ هيثبت انك انشان شريف ربنا معاك يا زعيم واحنا كمان معاك

    ردحذف
  19. فعلا ولاد الوسخة كتير قوى فى هذا الوطن

    ردحذف
  20. فين الفيديو؟
    طب مش ملاحظين ان فيديو الاغنية مش موجود نهائى ع اليوتيوب؟

    ردحذف
  21. الريس عم الكل وهو احسن ريس فى تاريخ مصر بموووووووووووووووووووووووووووت فيك يا حبيبى ياريس انجازاتك معلمه فى مصر كلها وان شاء الله براءه ياحبيبنا

    ردحذف
  22. احاااااااااااااااا

    شليتو الراجل بجد معرصيييييين

    ردحذف
  23. كام واحد على الصفحة محا ذنوب الرئيس السابق حسني مبارك، يا أخي رافض ارفضه وخلاص ... أعتقد اني لو حتى لو في يوم من الأيام كنت مشفق عليه من العذاب اللي هيشوفه على ذنوبه ومسئوليته الكبيرة إلا اني دلوقتي مطمن عليه في دنيته وآخرته لأنكو بجانب انجازاته محيته جزء كبير من ذنوبه
    ربنا أراد لها الغفران على يد أعداؤه
    أشكركم يا مدعي الديموقراطية ^_^

    ردحذف
  24. بكره يحكم التريخ على هزا الرجل وعلينا فيما فعلنا

    ردحذف
  25. حقا كلمات أكثر من رائعة و لحن أكثر روعة و فنانين حقيقين كوكبة من النجوم الذين نفتقدهم في هذه الايام .. كان عمري 6 سنوات عندما تم بث هذا الاوبريت الرائع كانت ايام طفولة رائعة نشأنا فيها على الفن الجميل و على الزمن الجميل الى الآن أتذكر تلك الاغاني الرائعة و تلك الفترة الجميلة في كل شيء حتى الاغاني الوطنية كان لها طابع خاص .. اشتاق لذلك الزمن و لتلك السنوات .

    ردحذف
  26. نفسي اعرف اسم الفنانه اللي مع لنوشكا وشيرين وجدي

    ردحذف